Kampionati Evropian është një vitrinë themelore si për futbollistët e Kontinentit të Vjetër, ashtu edhe për skuadrat ku ata luajnë. Një hapësirë për t’u evidentuar edhe në funksion të sezonit të ardhshëm dhe çdo lëvizje transferimi që do të planifikohet në verë. Një diskutim që përfshin edhe trajnerë që rrezikojnë të mos kenë në dispozicion anëtarë të shumtë të ekipit të tyre, veçanërisht nëse ka një kërkesë të madhe nga kombëtaret e tjera që kanë bërë thirrjen rekord me shtatëdhjetë e shtatë lojtarë të thirrur. Shqipëria, skuadra e drejtuar nga Sylvinho do të përballet me Italinë në grupin B, e ka numrin më të madh të “italianëve” me dhjetë përfaqësues nga kampionati. Dy skuadrat e Milanos do të jenë më të përfaqësuarat në garën kontinentale.
SHQIPËRIA E KOLONIA NË SERIE A
Nëse përjashtohet Italia, kombëtarja që ka vendosur të mbështetet më shumë te Bel Paese është Shqipëria, kundërshtari i parë i të kaltërve në Grupin B. Braziliani Sylvinho në fakt ka vendosur të thërrasë 10 lojtarë nga gadishulli, shtatë prej të cilëve nga Serie A dhe tre nga B, me Empoli e Sassuolo ndër më të përfaqësuarit me nga dy sportistë.
INTER E MILAN MBAJNË KRYESIMIN
Nga pikëpamja e klubeve, skuadrat italiane që u është dashur të japin një kontribut më të madh për kombëtaret e huaja janë padyshim Inter dhe Milan që garojnë për kreun me nga tetë lojtarë. Nëse në shtëpinë e zikaltërve Holanda dhe Franca kanë avantazhin me nga dy lojtarë, te kuqezinjtë spikasin francezët me tre.
CILA SKUADËR ITALIANE NUK KA TË GRUMBULLUAR
Nëse është e vërtetë që Seria A do të jetë e përfaqësuar mirë në nivel kontinental, nuk mund të thuhet e njëjta gjë për skuadrat e sapo promovuara. Prej tyre vetëm Parma që do të jetë në start me tre anëtarë. Asgjë për të bërë për Como dhe Venecia, të cilët do të mungojnë në eventin e planifikuar në Gjermani, ashtu si Monza.
Lexo më tej: Nga Haaland te Courtois, kush janë kampionët e mëdhenj që mungojnë në Euro 2024
SA JANË TË THIRRURIT NË SERIE B?
Për të sjellë flamurin italian te kombëtaret e tjera do të ndihmojnë edhe dymbëdhjetë përfaqësues nga Serie B me Sassuolo në krye. Ekipi jeshilzi, i rënë së fundmi pas më shumë se një dekade në Serie B, do të përfaqësohet nga Martin Erlic, Marash Kumbulla dhe Nedim Bajrami, dy të fundit me fanellën e Shqipërisë.
SURPRIZA SERIE C: DAVID DURIS VJEN NGA ASCOLI
Surpriza e madhe e këtij kampionati europian vjen nga Ascoli me skuadrën bardhezi të zbritur së fundi në Serie C. Një rezultat që nuk do ta pengojë ekipin markexhan të jetë prezent në Kampionatin Europian falë Dávid Ďuriš, i cili do të veshë fanellën e Sllovakisë, me të cilën mburret me dymbëdhjetë paraqitje dhe një gol.