“Të pëlqen të fitosh lehtë?”. Fytyra e re e publicitetit të famshëm televiziv, që nga e djela në darkë, mund të jetë fare mirë Alvaro Odriozola, mbrojtësi i djathtë në pronësi të Real Madrid, por aktualisht në huazim tek Bayern Mynih. Lojtari bask, 25 vjecar, në sezonin 2019-2020 ka vendosur një rekord historik që vështirë se dikush mund ta barazojë: ka fituar 5 trofe duke luajtur, me dy skuadra të ndryshme, vetëm 10 ndeshje për një total prej 613 minutash. Që do të thotë një titull cdo 122 minuta.
Pasi e nisi sezonin me Real (luajti të plota ndeshjet kundër Celta, Osasuna e Granada e 73 minuta në Maiorca), Odriozola doli nga rotacioni i Zidane e kështu, pasi e pa nga tribuna e Jeddah fitoren e Superkupës spanjolle, në janar u transferua në Mynih, ku pati të njëjtin fat.
Pavarësisht dëmtimit të Pavard, Hans-Dieter Flick ka preferuar të ripozicionojë Kimmich në krah se ti japë një mundësi lojtarit që vinte nga Madrid, që në fund i është dashur të kënaqet me tre prezenca në Bundesliga, një në Kupën e Gjermanisë e pak minuta kundër Chelsea në kthimin e cerekfinales së Champions. Mjaftueshëm për të marrë medaljen e artë në të gjitha kompeticionet e për të qenë një nga protagonistët e Tripletës historike të Bayern.
Pas këtij sezoni për rekord Odriozola do të largohet nga Mynihu për tu kthyer tek Real. Kohët e fundit ka deklaruar se dëshiron të luajë kartat për të tentuar të bindë Zidane, por zërat e merkatos e largojnë nga Madrid. Mes skuadrave të interesuara është edhe Napoli i Gennaro Gattuso, që kërkon të freskojë krahët e mbrojtjes e që e ka patur në konsideratë edhe në të kaluarën ish-lojtarin e Real Sociedad.