Ndërsa luhej Valencia-Real Madrid, anësori brazilian i Blancos Vinicius Junior ishte viktimë e ofendimeve raciste nga tifozët vendas. Ajo që e ofendoi për së dyti ishte reagimi i presidentit të La Liga, Tebas. Kur dëgjoi fyerjet që vinin nga turma, Vinicius humbi durimin. Braziliani doli ballë për ballë me një tifoz që po e fyente, duke i drejtuar gishtin dhe duke kërkuar largimin e tij. Kishin kaluar 20 minuta nga fillimi i ndeshjes dhe zemërimi i brazilianit çoi në një ndërprerje 10-minutëshe. Arbitri foli me teknikun Ancelotti dhe Courtois duke kërkuar një mënyrë për të qetësuar shpirtin e brazilianit.
Mestalla vazhdonte koret, ndërsa Vinicius kërcënoi se nuk do të vazhdonte të luante nëse situata nuk do të zgjidhej. Në fund të ndeshjes, braziliani u përjashtua me karton të kuq për një goditje kundër një kundërshtari gjatë një sherri.
PËRGJIGJA E TEBAS NDAJ FYERJEVE
Pas asaj që ndodhi në fushë, filloi qartë mbrojtja nga rrjetet sociale, në solidaritet me Vinicius Jr. Mesazhe në favor të brazilianit erdhën nga shumë lojtarë, nga Federata braziliane dhe gjithashtu nga vetë Valencia. Të gjithë dënuan atë që ndodhi në Mestalla.
Duke iu përgjigjur shpërthimit publik të numrit 20 të Madrid, presidenti i La Liga Tebas tha: “Meqenëse nuk kishte kush të të shpjegonte se çfarë është LaLiga dhe çfarë mund të bëjë në rastet e racizmit, ne u përpoqëm të ta shpjegojmë. Por ti nuk u prezantove në asnjërën nga dy datat e dakorduara që ti vetë i kishe kërkuar. Para se të kritikosh dhe ofendosh La Liga, është e nevojshme të informohesh siç duhet Vinijr. Mos lejo që të manipulohesh dhe sigurohu që të kuptosh plotësisht kompetencat reciproke dhe punën që kemi bërë së bashku”.
Ya que los que deberían no te explican qué es y qué puede hacer @LaLiga en los casos de racismo, hemos intentado explicártelo nosotros, pero no te has presentado a ninguna de las dos fechas acordadas que tú mismo solicitaste. Antes de criticar e injuriar a @LaLiga, es necesario… https://t.co/pLCIx1b6hS pic.twitter.com/eHvdd3vJcb
— Javier Tebas Medrano (@Tebasjavier) May 21, 2023