Sot homazhet në TVSH, ironia e Lalos për nderimin pas vdekjes

Pas vdekjes së papritur të Aleksandër Lalos kanë qenë të shumtë të njohurit e tij që kanë kujtuar momente takimesh dhe bisedash me kompozitorin.
Një prej tyre, Leonard Olli tregon një bisedë me Lalon, gjatë homazheve për vdekjen e këngëtarit Françesk Radi.
“Si ka ardh puna, duhet të vdesim që të kujtohet dikush për ne artistët” ishte shprehur kompozitori, ndërsa shihte njerëzit të nderonin në homazhe Françesk Radin. Për ironi, sot në të njëjtat ambjente, tek TVSH zhvillohen homazhet për ata që duan të nderojnë maestron, pas vdekjes.