Mbrëmjen e djeshme yjet kanë veshur rrobat e tyre më të mira dhe kanë shkëlqyer në tapetin e kuq në ‘Royal Albert Hall’ për “Fashion Awards 2017”.
Ky organizim vjetor ka filluar qysh në vitin 1986, ndërsa çdo vit përfshin yjet më të pëlqyera nga e gjithë bota.
Lista e kandidatëve të ceremonisë së sivjetshme ka përfshirë modelet dhe dizajnerët më të njohur të vitit 2017, ku shtëpia prestigjoze e modës Versace ka stiluar një ndër veshjet më të cilësuara të mbrëmjes siç ishte ajo e Irina Shayk. Ndërsa Kaia Gerber, vetëm 16 vjeçare, është shfaqur me një veshje luksoze, duke dëshmuar se pavarësisht moshës ajo është ikonë stili.
Kaia është e nominuar për çmimin prestigjioz ‘Modelja e Vitit’, bashkë me motrat Bella dhe Gigi Hadid, me Adwoa Aboah dhe Winnie Harlow.
Sidoqoftë, Kaia nuk ka qenë e vetmja që ka shkëlqyer në tapetin e kuq – edhe Karlie Kloss ka marrë vëmendjen me fustanin e saj të kuq të qepur nga Vivienne Westwood.
Edhe Selena Gomez është shfaqur me një fustan të mrekullueshëm, të cilin e kishte kombinuar me këpucë thuajse të arta dhe aksesorë dore. Po ju, cilën do të zgjidhnit si veshjen më të bukur të eventit?