Makthi më i keq i VIP-ave është të kenë akne ditën e një eventi të rëndësishëm. Akoma më keq nëse bëhet fjalë për ceremoninë e Golden Globes.
Pikërisht kjo ndodhi me Kendall Jenner. Supermodelja ndoqi ceremoninë si përfaqësuese e Vogue dhe në momentin që shkeli në tapetin e kuq, njerëzit vërshuan në internet për të komentuar aknet në faqe.
Në vend që të mbyllej në shtëpi, 22-vjeçarja eci gjithë vetëbesim në tapetin e kuq dhe u përcolli një mesazh të fuqishëm gjithë atyre që kanë të njëjtin problem me lëkurën.
Një fanse e modeles shkruajti në Twitter:
“Kendall Jenner që shfaqet në ceremoni dhe pozon e sfilon me akne si një yll i vërtetë, është gjithçka që vajzat duhet të kuptojnë sot.”
Kendall e ripostoi dhe shtoi:
“Mos e lini kurrë t’ju ndalojë!”
Është akne fundja fundit. Të gjithë kemi ose kemi pasur puçra në fytyrë.
Kendall ka vuajtur nga aknet që kur ishte e vogël dhe në postimet e blogut të saj rrëfente se u bë aq e vetëdijshme për lëkurën e saj, sa nuk fliste dot pa mbajtur dorën para fytyrës për t’i fshehur.