FBI konfirmoi se ishte paralajmëruar për adoleshentin, i cili dyshohet se ka kryer sulmin masiv në ish-shkollën e tij në Florida.
Nikolas Cruz, i cili është ngarkuar me 17 akuza për vrasje me paramendim, raportohet se ka komentuar një video në YouTube vitin e kaluar, duke thënë: “Do të jem qitës profesionist në shkollë”.
Një prej përdoruesve të rrjetit ka njoftuar autoritetet mbi postimin e Cruz, sikundër edhe mësuesit ishin të paralajmëruar për Cruzin, i cili nuk është lejuar të hyjë në kampusin e shkollës me çantë shpine, raportojnë mediat amerikane.
FBI tha se e ka hetuar komentin në YouTube, por nuk ka qenë në gjendje të konfirmojë plotësisht personin që e ka postuar atë
“Ka pasur probleme me të vitin e kaluar, pasi ka kërcënuar studentët”, ka thënë Jim Gard, mësues i matematikës.
Zyrtarët e shkollës ‘Stoneman Douglas’ në Parkland të Floridës nuk kanë treguar se pse është përjashtuar Cruz.
Ai është arrestuar nga policia një orë pas sulmit, nga i cili mbetën të vrarë 17 persona dhe të plagosur disa të tjerë.