Ndodh edhe kështu, që të jesh në protestën e PD-së, por të shprehësh mbështetje për Edi Ramën. Gafa ka ndodhur në qytetin e Vlorës, aty ku opozita zhvillon sot protestën e saj. Një qytetar i ngjitur në podjum, pasi ka kritikuar Edi Ramën, i ka shpëtuar në fund edhe fjala:
“Do votoj për Edi Ramën”. Pas gafës që u prit me habi dhe të qeshura nga të pranishmit, qytetari ka kërkuar ndjesë disa herë. “Të më falni e bëra atë gabim. Të më falni. Do jem gjithmonë me Lulzim Bashën. Rroftë sa malet Lulzim Basha”,- ka thënë më pas qytetari. /Lapsi.al/