Vjen filmi horror me kanabis dhe merimanga gjigante në Shqipëri (shikoni video-trailerin)

Pas filmit horror për ngjarjet e vitit 1997 vjen një tjetër film horror që ka në qendër Shqipërinë. Ai quhet “Arachnicide” dhe do të publikohet më 10 maj nga “Midnight Releasing”. Ai flet për një shkencëtar që ka arritur të gjejë mënyrën për të përshpejtuar rritjen e bimëve dhe të kafshëve. Teknologjia e tij kontrollohet nga një organizatë kriminale, që e përdor për të rritur sa më shpejt bimët narkotike. Por situata del jashtë kontrollit pasi teknologjia jep efekt tek merimangat. Komandot e njësitit L9 dërgohen në Shqipëri, ku zbulojnë planin e tmerrshëm që rrezikon njerëzimin.