Debate mes aktorëve të “Fast and Furious”

Kur lajmet për shtyrjen e “Fast and Furious 9” u bënë publike, nuk pati ndonjë reagim të madh publik me shpresën se ishte një shkëputje e shkurtër. Megjithatë arsyeja e vërtetë është zbuluar: Dwayne ‘The Rock’ Johnson dhe Jason Statham po punojnë për një projekt të titulluar: “Hobbs and Shaw”. Kur ky lajm u bë publik, Tyrese Gibson ka reaguar përmes postimeve të shumta në rrjetin social “Instagram”, duke e quajtur Johnson një kloun. Ai gjithashtu ka shtuar se protagonisti po përpiqet ta bëjë të vetin këtë film. Vin Diesel, i cili ka qenë personazhi kryesor që prej serisë së parë të filmit është përpjekur të qetësojë situatën, duke thënë: “Do të ishte e padrejtë të themi se nuk është faji i asnjërit”.