Selvie dhe Olsi Hoxhallari u gjetën të djegur në shtëpinë e tyre, mëngjesin e të dielës në Vlorë. Pas ekspertizës policia zbuloi se viktimat ishin dhunuar para se të digjeshin.
Një ditë më pas, nuk ka asnjë të arrestuar për ngjarjen, por policia ka shpallur në kërkim një person.
Pesë persona u shoqëruan në polici për t’u marrë në pyetje, megjithatë ende nuk ka asnjë rezultat konkret. Selvie dhe Olsi Hoxhallari sapo ishin kthyer nga Gjermania dhe motivet e vrasjes së tyre mbeten ende mister.