Sasia prej 613 kilogramë kokainë të kapura disa javë më parë në Durrës çuan në burg vetëm dy persona, e këtë të premte dy të arrestuarit kërkojnë lirimin në Gjykatën e Lartë.
Avokatët e shoferit Armando Pezaku e administratorit të kompanisë Arbri Garden Donald Lushaj, kanë kërkuar lirimin e dy klientëve të tyre, me argumentin se nuk ka asnjë provë të përfshirjes së tyre në aktivitetin kriminale.
Ndërkohë që në Gjykatën e Lartë ka shkuar tashmë rekursi, pronari i kompanisë së bananeve Arbër Çekaj, është ende në arrati.
Madje këtë të premte, në një fjalim të tij para shoqërisë civile, Ambasadori i SHBA-ve në Tiranë Donald Lu, e cilësoi Çekajn si një “peshk të madh” që duhet kapuyr sa më parë nga drejtësia shqiptare.