Një 18 vjeçar nga fshati Gjatë është mbytur në liqenin e Mingulit në Gjirokastër. Trupi i pajetë i tij është gjetur rreth orës 03:00 të mëngjesit të sotëm.
Mësohet se viktima i identifikuar si R. Halili kishte dalë nga shtëpia të hënën pasdite për të peshkuar, një ritual që e kryente çdo ditë.
Kanë qenë disa kalimtarë që kanë pikasur trupin e adoleshentit mbi ujë dhe më pas kanë lajmëruar policinë dhe ambulancën.
Trupi i pajetë ndodhet në morgun e spitalit rajonal të Gjirokastrës.
Policia ka nisur hetimet për ngjarjen ndërsa pritet dhe ekspertiza mjekoligjore për përcaktimin e saktë të shkaqeve të vdekjes.