Kristi Karkanaqe ka kurorëzuar me martesë dashurinë me partneren e tij, Adën. Ceremonia është zhvilluar në tarracën e Bashkisë së Tiranës. Ai i veshur me një kostum të zi me papion, ndërsa nusja kishte zgjedhur një fustan të fryrë me mëngë të gjata dantelle. Të ftuar në dasmë kanë qenë edhe këngëtarët e njohur Venera Lumani dhe Lind Islami, me të cilën Kristi ka postuar edhe një foto. Ndërsa në një foto tjetër, ku shfaqen duart e çiftit me unazat e martesës, Kristi ka shkruar: “Zyrtarisht, familja Karkanaqe”.
