Inter kalon në Ferrara, duke marrë fitoren e katërt radhazi në kampionat e shkon tashmë në kuotën e 16 pikëve, në vendin e tretë pas Juventus e Napoli. Ai që vendos ndeshjen kundër Spal është Mauro Icardi, me dy gola: në të 14 dhe në minutën e 78, duke fshirë kështu barazimin provizoir të Paloschi.
Me këtë dygolësh, Mauro Icardi (103 gola) ka arritur Christian Vieri në vendin e shtatë të shënuesve më të mirë zikaltër të të gjitha kohërave në Serie A. Fondamental kapiteni, aktiv në 18 gola në 19 ndeshjet e fundit të Inter në të gjitha kompeticionet (16 gola e dy asist).
Një arritje kjo e zikaltërve, me katër fitore radhazi në Serie A, që i mungonte Inter që nga shtatori i 2017. Skuadra e Spallettit është skuadra që ka shënuar më shumë në 15 minutat e fundit të lojës në këtë kampionat (6 gola). Pa harruar se asnjë skuadër nuk ka shënuar më tepër se zikaltrit nga krosimet gjatë këtij kampionati.