5 tonë kokainë u bllokuan në një operacion anti-drogë në Malaga. Ato ishin të fshehura në një dërgesë me banane.
Policia spanjolle njoftoi se 15 persona u vunë në pranga.
Dhjetëra makina të policisë u panë në një park industrial në Malaga ku u gjet sasia e drogës, thanë dëshmitarët për gazetën lokale Diario Sur.
Në prill, në qytetin port spanjoll të Algeciras, po ashtu në një dërgesë me banane u gjetën 9 tonë kokainë kolumbiane, një rekord evropian në sasinë e drogës së gjetur në një kontejner për transport.