Një femër në Formula 1. Të martën në Meksikë Tatiana Calderon do të bëjë debutimin në timonin e Sauber-Alfa Romeo C37. Piloti i tretë aktual i skuderisë zvicerane do të jetë i impenjuar në një test Pirelli ku, sipas rregullores, mund të përshkojë 100 km, ose rreth 23 xhiro në cirkuitin Hermanos Rodriguez.
Kolumbiana, që aktualisht garon në GP3, mezi pret të nisë sfidën: “Jam shumë e lumtur dhe entuziaste për mundësinë që më dhanë Alfa Romeo Sauber F1 Team, Escuderia Telmex, Telcel, Infinitum e Claro, për të drejtuar një makinë të Formula 1 për herë të parë në karrierën time. Që kur kam nisur të garoj, ëndërra ime dhe objekivi që kisha ishte të garoja në kampionatin elitë. Do të jetë një eksperiencë e pabesueshme të zbulosh Autodromin Hermanos Rodriguez. Duke qenë se kam lindur në Amerikën Latine, nuk mund të ketë një vend më special për mua për të debutuar në timonin e një makine të Formula 1”.
Dreams DO come true! Very excited to drive the @SauberF1Team C37 @F1 car for the first time next week in Mexico! Thank you very much for making my dream a reality @escuderiatelmex and Alfa Romeo Sauber F1 Team for their trust! pic.twitter.com/9xaQAf2M8d
— Tatiana Calderon (@TataCalde) October 26, 2018