Nuk ndalet Liverpool në Premierl League. Rikthimi i Xherdan Shaqirit në formacion, pas lënies jashtë sfidës së humbur të Beogradit, ka rikthyer edhe buzëqeshjen tek Jurgen Klopp, që ruan kolonën zero të humbjeve me suksesin 2-0 ndaj Fulham.
I jashtëzakonshëm Shaqiri, me intensitetin e pjesëmarrjeve në aksion dhe golin e shënuar në pjesën e dytë të ndeshjes. Rezultatin në fakt e hapi Salah, me golin tipik të tij, i gjithi në shpejtësi, por realizimi i Shaqirit, me të majtën në këndin e largët të portierit është për manual.
Shaqiri EVERY week please! #LFC pic.twitter.com/q7Krs0q4le
— Nic Mason (@MrNickMason) November 11, 2018
Në pesë prezencat e fundit me të kuqtë, Shaqiri ka shënuar dy gola dhe ka dhënë tre asist, duke ndihmuar skuadrën e Merseyside të kryesojë me 30 pikë, ndërsa javën e ardhshme udhëton drejt Watford.