Për shkak të ngricave dhe dëborës një automjet tip benz ka dalë nga rruga. Shoferi është transportuar drejt spitalit të Gjirokastrës me urgjencë.
Nga raportimet e deritanishme mësohet se shoferi ndodhet në gjendje të rëndë. Ai ka pësuar një gjendje shoku për shkak të përplasjeve.
Kjo ngjarje ka ndodhur në aksin rrugor Tepelenë-Dukaj, pranë ish-SMT-së.
Efektivët e Policisë Bashkiake shkuan në vendngjarje për të nxjerrë trupin e shoferit, duke e transportuar më pas drejt spitalit.