Tashmë kanë kaluar disa ditë që nga zhdukja e futbollistit Emiliano Sala. Avioni ku ai po udhëtonte nga Nanta për në Kardif humbi kontaktet me radarët dhe akoma nuk ka asnjë informacion në lidhje me të.
Ish e dashura e tij, modelja franceze Berenice Schkair, postoi një mesazh befasues në Twiter të cilin më pas e fshiu. Ajo i ka habitur të gjithë sepse shkruante kështu:
“Hetoni mafian e futbollit, sepse unë nuk e besoj këtë aksident. Dua të zgjohem e të mësoj që kjo është e gjitha gënjeshtër. Ju lutem të hetoni, sepse nuk besoj që të ketë pasur vërtet aksident, dhe as që të jenë ndërprerë kërkimet për arsye të motit të keq. Ndihem e pafuqishme. Është një makth”
Autoritetet iu rikthyen kërkimeve të mërkurën në zonën ku mendohet se mund të ketë rënë avioni.