• |
ide | kryesore

Përballet me sulm kibernetik parlamenti australian

Planet

Autoritetet australiane po hetojnë një tentativë vjdhjeje të dhënash që i është bërë rrjetit kompjuterik të parlamentit të këtij vendi.

Ligjvënësit kanë thënë që “nuk ka të dhëna” nese dikush ka vjedhur apo ka pasur qasje në informacione, mirëpo fjalëkalimet e politikanëve janë ndërruar si masë sigurie.

Ekspertët lokalë për siguri kibernetike kanë thënë se ka mundësi që tentativa e vjedhjes të jetë kryer  nga një shtet i huaj, shkruan REL.

Kryeministri Australian, Scott Morrison ka thënë se ai nuk synon të komentojë në thelb për “burimin apo natyrën e kësaj çështjeje”.

 Ai ka thënë se deri më tani nuk ka pretendime se agjencitë qeveritare janë shënjestruar.

Megjithatë, lideri opozitar, Bill Shorten e ka përshkruar incidentin si “thirrje për veprim”.

Qeveria e Australisë është përballur me një numër të sulmeve kibernetike në vitet e fundit. Mediat lokale kanë bërë përgjegjëse Kinën për disa prej tyre.

Lini një Përgjigje

Adresa juaj email s’do të bëhet publike.

Kthehu