Tre këngëtaret e suksesshme shqiptare Dua Lipa, Rita Ora dhe ylli në ngjitje Era Istrefi, kanë reaguar publikisht në rrjetet sociale në ditën e Pavarësisë së Kosovës, duke shpërndarë krenarinë për prejardhjen e tyre.
“Nga Kosova në drejtim të botës. Gëzuar ditën e pavarësisë. Ju dua”, shkruan fituesja e dy çmimeve Grammy, Dua Lipa.
https://www.instagram.com/p/Bt_BhcHhEgB/
Rita Ora nga ana tjetër ka publikuar një foto nga xhirimet e videoklipit “Shine Your Light”, klip ky i xhiruar në Kosovë.
“Gëzuar ditën e Pavarësisë Kosovë. Shkëlqe çdo ditë. E xhirova videon e këngës “Shine Your Light” atje në 2012, një prej kujtimeve më të mira. Ju dua shumë”, shkruan Rita.
https://www.instagram.com/p/Bt-7tAuHlc5/
Era Istrefi ka publikuar një foto ku duket e veshur verdhë e blu, me ngjyrat e flamurit të Kosovës, ditën e finales së “Kupës së Botës”, event në të cilin ajo performoi së bashku me Will Smith dhe Nicky Jam këngën “Live It Up”.
Era shkruan poshtë fotos së publikuar: “Gëzuar Pavarësinë Kosovë”.
https://www.instagram.com/p/Bt_EwLNDSWb/