Janë përcaktuar tashmë skuadrat çerekfinaliste të Champions League, ku Liverpool e Barcelona i janë bashkuar 6 të kualifikuarave më parë. Në mbrëmjen bavareze në Allianz Arena Sadio Mane ka qenë protagonisti absolut me dy gola që e rikthyer krenar Jurgen Klopp në shtëpinë e rivalëve të dikurshëm. Në sfidën e Kamp Now Barcelona është imponuar vërtetë 4-1 ndaj Lyon, por ka pasur nevojë për një penallti inekzistente për të nisur serinë e golave.
Nuk shënoi dot në Anfield Road dhe Mane ishte njeriu më i kritikuar pas 0-0 në ndeshjen e parë, por në transfertën bavareze sulmuesi rrëmbeu skenën me dy rrjeta në suksesin 1-3 të të Kuqve. Një sukses i rëndësishëm për skuadrën e Jurgen Klopp, që e vendos veten me prepotencë mes favoritëve për trofeun e dëshiruar. Asgjë nuk shkoi si duhet për Niko Kovac, i tradhëtuar nga dalja aventureske e Neuer, edhe pse autogoli i Matip u duke se mund të ndryshonte rrjedhën e historisë. Vetëm u duk: anglezët bënë gjithcka vetë duke shënuar me Virgil van Dijk, ndërsa Mane kompletoi suksesin, që e con Liverpooli në çerekfinale bashkë me Barcelonën.
Barcelona duhej ta kishte të thjeshtë, edhe pse ndeshja e parë kundër Lyon kishte përfunduar në barazim. Në fakt 5-1 e përligj pritshmërinë, por përpara se katalanasit ti jepnin shuplakën francezëve, kishin nevojë për një penallti e cila do të bëjë të diskutojë gjatë. Var nuk ndërhyn, në kohën kur është Suarez që bën faull ndaj mbrojtësit në minutën e 16. Për Messin është fare e thjeshtë të shënojë nga 11 metra larg, ndërsa për Lyon mbrojtja nuk bënte më punë.
Coutinho pas dicka më shumë se gjysëm ore lojë shënoi edhe golin e dytë, por francezët tentuan të bënin një surprizë, që pas golit të Tousart në minutën e 38, nuk u duk edhe aq e paarritshme. Vetëm se Messi mbetet mesia dhe në minutën e 78 shënoi dygolëshin personal, përpara se tre minuta më vonë të ekzaltonte aftësitë e tij gjeometrike për një asist për Pique, në golin e katërt të skuadrës së Valverde. Në fund Dembele fiksoi golin e pestë, që kualifikon në cerekfinale edhe një tjetër pretendent të madh për trofeun.
SKUADRAT ÇEREKFINALISTE
Ajax
Tottenham Hotspur
Manchester United
Porto
Juventus
Manchester City
Liverpool
Barcelona