• |
ide | kryesore

Një prej grave më të pasura ruse ndërron jetë në aksident ajror

Planet


Vdes në aksident ajror në Gjermaninë jug-perëndimore, një prej grave më të pasura ruse. Në këtë aksident ndërruan jetë dhe dy persona të tjerë, të cilët ndodheshin në avion me të. Natalia Fileva, një prej bashkëpronareve të linjës ajrore private S7, gjithashtu e njohur si “Siberia Airlines”, ishte një nga viktimat e aksidentit fatal.

“Fileva, 55 vjeç, ishte në bordin e një avioni “Epic LT”, me një motor, me gjashtë vende, i cili u rrëzua dhe u dogj në një fushë pasi iu afrua aeroportit të vogël në Egelsbach, një qytet në jugperëndim të Gjermanisë”, tha kompania në një deklaratë për mediat. Policia gjermane tha se kishte tre persona në aeroplan, përfshirë pilotin e fluturimit, i cili ishte me origjinë franceze, shkruan “The Guardian”.

Autoritetet gjermane të aviacionit po shqyrtojnë shkakun e rrëzimit të avionit. Egelsbach është rreth 10 kilometra në jug të Frankfurtit. “Forbes.ru” tha se pasuria e Filevës shkon në 600 milionë dollarë. Ekipi i “Grupit S7” shpreh ngushëllimet e sinqerta dhe të përzemërta për familjen dhe të dashurit e zonjës Fileva”, deklaroi kompania në një deklaratë të mëvontë.


Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *