Një i vdekur dhe 157 të plagosur është bilanci paraprak i një aksidenti ajror që tronditi Turqinë mbrëmjen e kësaj të mërkure. Një avion me 177 persona në bord doli nga pista teksa po ulej në pistën e aeroportit të Stambollit.
Bëhet fjalë për një “Boeing 737” i cili u nda në 3 pjesë. Ai ishte nisur nga Smirne dhe i përket kompanisë “Pegasus Airlines”. Sipas medieve turke avioni nuk mundi dot të frenojë dhe pas daljes nga pista u përplas me një mur. Për momentin është i paqartë shkaku i aksidentit. ©LAPSI.al