Pasi qëlluan me armë zjarri në ajër, dy të rinj janë prangosur nga Policia e Durrësit dhe një tjetër është proceduar në gjendje të lirë. Policia raporton se të arrestuarit janë shtetasit me iniciale L.B., 21 vjeç, K.P.,19 vjeç, ndërsa i proceduari A.K.,17 vjeç. Gjithashtu në cilësinë e provës materiale efektivët e qytetit bregdetar sekuestruan edhe një armë zjarri të llojit automatik.
“Arrestimi i të rinjve u bë pas informacioneve të marra nga qytetarët se këta shtetas në “Portoromano”, ishin duke qëlluar me armë zjarri në ajër.Në cilësinë e provës materiale u sekuestrua arma e zjarrit automatik. Materialet i kaluan Prokurorisë pranë Gjykatës së Shkallës Parë Durrës për veprën penale “Prodhim dhe mbajtja pa leje e armëve luftarake dhe municionit”, njofton policia.