Kryeministri i Greqisë, Aleksis Cipras kërkon hapjen e çështjes së dëmshpërblimeve të Luftës së Dytë Botërore me qeverinë gjermane. Ai i ka kërkuar Parlamentit që t’i japë një mandat për ta zbatuar këtë plan.
Në Parlamentin grek është zhvilluar një debat lidhur me dëmshpërblimet që Gjermania duhet t’i paguajë Greqisë për dëmet e shkaktuara në luftë dhe krimet e kryera gjatë pushtimit nazist.
Sipas një komisioni ekspertësh, që vlerësoi tre vite më parë dëmet e shkaktuara ndaj Greqisë nga Gjermania, vlera e dëmshpërblimit duhet të jetë 290 miliardë euro.