Një vajzë e vogël vetëm 8 vjeç u plagos nga një plumb qorr në Greqi.
Vogëlushja po luante në oborrin e shtëpisë kur u shemb përtokë rreth orës 16:00 të pasdites.
Prindërit e transportuan me urgjencë në spital pa ditur se çfarë i kishte ndodhur.
Më pas mjekët konstuan se vajza kishte në kokë një plumb.
Pas trajtimit intensiv mjekësor, rreth orës 20:00 të mbrëmjes ajo u fut në sallën e operacionit.
Nga hetimet paraprake të policisë, plumbi mund të ketë ardhur nga të shtënat me armë të banorëve përreth, që mund të kenë zgjedhur të festojnë Pashkët me të shtëna.
Prindërit e viktimës gjithashtu dëshmuan për policinë se kishin dëgjuar të shtëna afër shtëpisë së tyre.