Jorginho është shndërruar në… Jorghino. Gafë skandaloze e Chelsea, që ka ngatërruar emrin e mesfushorit të Italisë, të shkruar në fanellë, për sfidën e Superkupës europiane kundër Liverpool në Stamboll. E natyrisht gabimi nuk ka kaluar pa rënë në sy…
Braziliani i natyralizuar italian, që në Londër mbërriti me kërkesën e Maurizio Sarri një vit më parë, ka qenë një nga pikat e forta të Blues në sezonin e kaluar, po sic duket kaq nuk ka mjaftuar që në Londër të mos i ngatërrojnë emrin.
Klubi i Chelsea gjithnjë e më shpesh po vihet në qendër të vëmendjes për gafa të tilla, si ajho e ngatërresës së kundërshtarit cek në Europa League, në njoftimin e shitjeve të biletave, apo edhe në raste të tjera, ku është bërë viral në rrjetet sociale, për shkak të gabimeve amatoreske për një klub të nivelit të tyre.