• |
ide | kryesore

Digjet qëllimisht makina e djalit të gjyqtares në Tiranë (EMRI)

Lajme, Të fundit

Dy makina janë djegur qëllimisht mbrëmjen e djeshme në zonën e “Vasil Shantos” në kryeqytet.

Nga informacionet paraprake mësohet se njëri prej automjeteve është në pronësi të avokatit Loren Liço, por përdorej nga e ëma, Arjana Liço, e cila ushtron profesionin e gjyqtares në Gjykatën e Tiranës.

Nga pamjet e kamerave të sigurisë, shihet një mashkull me kostum sportiv të bardhë me kapuç, i cili i afrohet mjetit të tipit “golf 6” në pronësi të Liços dhe pasi e spërkat me lëndë djegëse, i vë zjarrin dhe largohet me vrap.

Mjetet janë djegur pjesërisht me dëme të lehta, pasi flakët u fikën menjëherë nga kalimtarët që kanë ndërhyrë sapo kanë parë flakët.

Në vendngjarje është gjetur sekuestruar në cilësinë e provës materiale një shishe plastike gjysmë e djegur, të përdorur nga autori për të spërkatur makinat.

 

2 Comments

Lini një Përgjigje

Adresa juaj email s’do të bëhet publike.

Kthehu