• |
ide | kryesore

Zgjedhjet në Kosovë/ PD: Leksion qeverisë shqiptare

Lajme, Të fundit

Pas reagimit të kryetarit të Partisë Demokratike, Lulzim Basha, në lidhje me zgjedhjet e parakohshme parlamentare në Kosovë, ku doli si forcë kryesuese Lëvizja Vetëvendosje e drejtuar nga Albin Kurti, ka ardhur edhe prononcimi zyrtar i Partisë Demokratike.

Në një deklaratë nga selia blu, ish-deputeti Oerd Bylykbashi, u shpreh se këto zgjedhje janë një leksion i madh për politikën ‎shqiptare, por mbi të gjitha janë një këmbanë e fortë për qeverinë, që duhet të nxjerrë mësime.

Bylykbashi ka bërë një krahasim me zgjedhjet e zhvilluara në Shqipëri, ku sipas tij “qeveritarët e korruptuar blejnë vota”, si edhe ndër të tjera, oligarkët financojnë partinë në pushtet që të vijojnë vjedhjen e shqiptarëve me PPP dhe konçensione.

Sipas ish-deputetit, “pa u larguar pengesa e zgjedhjeve demokratike, Edi Rama, zgjedhjet e Kosovës apo çdo reformë zgjedhore e jona, do të mbeten një leksion në letër”.

DEKLATATA E PLOTË

Zgjedhjet parlamentare në Kosovë janë një leksion i madh për politikën ‎shqiptare, por mbi të gjitha janë një këmbanë e fortë për qeverinë. Zgjedhjet demokratike kërkojnë vullnet politik.

Kosova dha një mësim të madh se zgjedhjet bëhen demokatike, kur në vend të parë vjen interesi i zgjedhësve dhe kur qeveria ka vullnet për të zbatuar ligjin,‎ që garanton të drejtën e zgjedhësve dhe të kandidatëve që konkurojnë të lirë e pa presion.

Askush nuk ka dëgjuar zhurmë për reformë zgjedhore në Kosovë, por të gjithë pamë se si Kosova bëri zgjedhje demokratike që garantuan rotacion politik paqësor, ku fituesi angazhohet për ndryshim dhe humbësi nuk manipulon numërimin, por pranon humbjen.

Zgjedhjet demokratike në Shqipëri i vrasin:

  • Qeveritarët e korruptuar që blejnë vota për të vazhduar të mbajnë pushtetin
  • ‎Kriminelët që qeveritarët i angazhojnë për të blerë vota dhe frikësuar zgjedhësit në këmbim të tenderave dhe pasurive publike
  • Kandidatët me rekorde kriminale apo ushtarë të krimit
  • Oligarkët që financojnë partinë në pushtet që të vijojnë vjedhjen e shqiptarëve me PPP dhe konçensione
  • Komisionerët militantë që shkelin ligjin me dy këmbë duke mbushur kutitë apo manipuluar numërimin
  • Mediat e kapura nga pushteti me interesa biznesi apo licenca të paligjshme

ODIHR dhe Bashkimi Europian në 2019 kërkon të luftohet:

  • Shitblerja e votës dhe të ndëshkohen ata që blejnë vota
  • Presioni mbi zgjedhësit
  • Presioni mbi administraten
  • Cënimi i sekretit të votes
  • ‎Cënimi i lirisë së votës
  • Abuzimi me burimet shtetërore në favor të partisë në pushtet‎
  • Që partitë politike të jenë transparente me financat e tyre.

Partia Demokratike është e angazhuar për të gjitha këto, në mënyrë që t’u sigurojë shqiptarëve zgjedhje demokratike dhe rotacion demokratik me votë.‎ Partia Demokratike është e bindur që vetëm zbatimi i plotë dhe i vërtetë i rekomandimeve të ODIHR na hap rrugën për zgjedhje demokratike dhe për këtë ka propozar një plan me pesë pika, në bazë të të cilit qendron vullneti politik për zgjedhje të lira e të ndershme.

E vetmja pengesë në rrugën e shqiptarëve për zbatimin e rekomandimeve, si dhe garantimin e zgjedhje si gjithë Europa, është Edi Rama dhe qeveria e tij‎. Pa u larguar Edi Rama, zgjedhjet e Kosovës apo çdo reformë zgjedhore e jona, do të mbeten një leksion në letër.

 

 

7 Comments

  1. Perveç se leksion per kurvat e qeverise Shqiptare , per ty personalisht eshte akoma me shume sesa leksion o i pafytyre . Ty nje pyetje per kodin zgjedhor tu be dhe i dredhove pergjigjes deri ne fund e jo me per ndryshime kushtetuese . Kur ti kete veprim e bene tani qe je ne opozite imagjino se çte bene ti kur te jeshe ne pushtet .Ty te vije turp qe del e llomotit si ato kurvat per virgjerine .

  2. pyet nje cik Bashen se si i fitoi zgjedhjet e 2011, pyeteni nje cik atin tuaj shpirteror se cka bere me zgjedhjet sa here i ka organizuar keto 30 vitet e fundit

  3. Ne cfar zgjedhjesh filloi pislleku i zgjedhjeve?????
    Vetem partia pseudo demokrate nuk mund te flas per zgjedhjet. Se eshte shkaketaria kryesore qe zghedhjet kan arritur ne kete derexhe.

      1. PO PSE NUK JANE TE VERTETA O KURVE PARTIE ?
        NE BYTH DO TA KESH GJITHE JETES PO NUK U NDERGJEGJESOVE .
        ROPT TE GJITHE POLITIKANEVE , ROPT EDHE KURVAVE QE U SHKOJNE NGA PAS PER NJE RROGE ZGJEBARAKE .

Lini një Përgjigje

Adresa juaj email s’do të bëhet publike.

Kthehu