Pak ditë pas shprehjes së qëndrimit të palëkundur se Parisi ishte kundër hapjes së negociatave me Shqipërinë dhe Maqedoninë e Veriut, presidenti i Francës, Emmanuel Macron, ka bërë një kthesë të papritur në raport me dy vendet e Ballkanit Perëndimor që përpiqen prej vitesh në rrugën e integrimit europian.
Deuke ndjekur një procedurë jozyrtare, Macron ka nisur konsultimet diplomatike për të ofruar partneritet të veçantë të privilegjuar për disa nga vendet e Ballkanit Perëndimor. Media serbe “Nezavisne” raporton se “ky është një partneritet i veçantë dhe i privilegjuar që do do të ishte një zëvendësues i qëndrimit për anëtarësim të plotë”.
Sipas propozimit, mbështetja financiare, angazhimet speciale për qasje në tregjet evropiane dhe përfitime të tjera do t’u ofroheshin vendeve të Ballkanit Perëndimor në këmbim të një “tërheqjeje të heshtur” të anëtarësimit të plotë.
Sipas gazetës serbe, ndaj Francës po ushtrohet presion nga partnerët e saj evropianë që të heq dorë nga qëndrimi i saj kokëfortë në samitin evropian marsin e ardhshëm dhe të lejojë që Maqedonia e Veriut dhe Shqipëria të fillojnë negociatat, dhe pastaj të zgjidhin çdo problem të mbetur gjatë hapjes së para- negociatave të pranimit.
“Kjo është arsyeja pse zgjedhjet në Maqedoninë e Veriut janë caktuar për në prill për të parë nëse BE do të aprovojë vazhdimin e procesit të para-pranimit në mars”, shkruan media serbe.
Çështja e Bosnje-Hercegovinës gjithashtu duhet të diskutohet në Samitin e Marsit, me kusht që qeveria të formohet që më pas të merren edhe hapa konkretë për zbatimin e rekomandimeve të Komisionit Evropian, siç shprehen në Opinionin e Emërimeve të Bosnje-Hercegovinës dhe Raportin Analitik nga maji 2019.
Gazeta kujtoi gjithashtu se Gjermania i kishte ofruar një propozim të ngjashëm Turqisë dhjetë vjet më parë, duke i premtuar asaj një “partneritet të privilegjuar” në vend të anëtarësimit, por edhe në atë kohë, ajo u pa si një mënyrë elegante e heqjes dorë nga pranimi i Turqisë në BE.
Përkatësisht, mediat evropiane kritikuann ashpër Francën, duke e akuzuar atë se e shtyn Ballkanin Perëndimor në duart e Rusisë, Turqisë dhe Kinës, duke hequr dorë nga axhenda e zgjerimit të BE-së.