Një aksident i rëndë ndodhi sot në aksin Elbasan-Librazh, ku 4 persona mbetën të plagosur. Ngjarja ndodhi në vendin e quajtur Labinot-Fushë.
Makina ishte nisur nga Labinot Fushë me destinacion Spitalin e Elbasanit.Po transportonin një të mitur të sëmurë dhe po e shoqëronin familjarët.
Makina Ford Focus ka dalë nga rruga dhe është përmbysur.
Demtime serioze pati nëna, fëmija i mitur dhe nje i afërm. Ata kishin mbetur të bllokuar në makinë pas aksidentit. Tani personat e plagosur janë transportuar me urgjencë në spitalin e Elbasanit, ndërsa ende nuk dihet gjendja e tyre shëndetësore.
Policia ndoshet në vendin e ngjarjes dhe po heton mbi shkaqet e aksidentit. ©Lapsi.al