30 vjet pritje për tu kthyer më në fund të festojë titullin kampion, por pak pikë nga arritja erdhi ndalesa e Premier League për shkak të emergjencës Koronavirus. Prej muajsh, tashmë tifozët e Liverpool (i pari me 25 pikë avantazh ndaj City) jetojnë një pritje të ethshme, aq sa njëri prej tyre, në Thailandë, ka vendosur të shpenzojë 250 mijë stërlina (rreth 280 mijë euro) për të festuar titullin parakohe.
Liverpool fan holds open-top title parade after being bored waiting for season to restart https://t.co/WcWIS8BhyU pic.twitter.com/gANgk5aV8c
— Mirror Football (@MirrorFootball) May 20, 2020
Sipas asaj që bën të ditur Daily Mirror, në fakt, një sipërmarrës thailandez me emrin Kongkiat Inthraseesangwon është lodhur duke pritur rifillimin e Premier League e ka organizuar një paradë të vërtetë për të festuar titullin e Reds, me kampionë me rimorkio të veshur me ngjyrat e Liverpool e moton që nuk mund të mungonte “You’ll never walk alone”.
“Kisha menduar të blija kamionin për të festuar me tifozë të tjerë fitoren e kampionatit në momentin që skuadra do të ngrinte trofeun – ka shpjeguar ai për Mirror – Pastaj erdhi pandemia, Premier është shtyrë e vendosa të festoj para kohe. Besoj se janë para të shpenzuara mirë, sepse nëse fitojmë kampionatin do të jetë hera e parë pas 39 vjetësh dhe e meritojmë një festim si duhet. E për më tepër, pas paradës, kamioni do të përdoret nga kompania ime, kështu që nuk bëhet fjalë për shpenzim parash”.