Instituti Kombëtar i Shëndetësisë Publike në Kosovë (IKSHPK) ka njoftuar, këtë të enjte, se 3 persona kanë humbur jetën nga koronavirusi. Po ashtu, sipas IKSHPK-së, gjatë 24 orëve të fundit janë regjistruar 43 raste të reja me Covid-19.
Në raportin e fundit të përditësuar është bërë me dije se 239 pacientë janë shëruar, duke e çuar në total 12.188 numrin e të shëruarve. Që nga fillimi i pandemisë së COVID-19, në muajin mars, në Kosovë janë infektuar gjithsej 14.882 persona, nga të cilët 607 nuk e kanë mposhtur dot virusin.