Dy mësuese dhe një edukatore janë infektuar me Covid-19 në Korçë. Po ashtu, në shkollën 9 vjeçare të Bitinckës në Bashkinë e Devollit ka rezultuar edhe një mësuese me COVID-19.
Në 24 orët e fundit u testuan pozitivë 297 persona, ndërsa humbën betejën me virusin katër pacientë. Fatmirësisht janë shëruar 116 qytetarë, duke e çuar në 10341 numrin e të shëruarve në vend që prej fillimit të epidemisë.