Mijëra njerëz dolën për të nëntën ditë radhazi në rrugët e Varshavës në Poloni, për të kundërshtuar ligjin e sapomiratuar i cili ndalon pothuajse të gjitha llojet e aborteve. Manifestimi mban emrin“Marshimi në Varshavë” dhe është organizuar nga lëvizja “Greva e femrave” në mbështetje të të drejtës për abort. Marshimi nisi në 3 sheshet kryesore të kryeqyteti polak dhe u shoqërua me forca të shumta policia, pasi grupime të ekstremit të djathtë tentuan të provokonin të pranishmit.
Pas para nisjes së këtij marshimi erdhi dhe një njoftim nga presidenti Duda i cili deklaroi se do të ketë një rishikim të ligjit, por propozimi i tij u konsiderua nga të pranishmit si i pamjaftueshëm.