Një 23-vjeçar ka mbetur i plagosur me armë zjarri, në lagjen “Apolonia” në Fier. Ngjarja ka ndodhur mbrëmjen e së premtes. Policia sqaron se po punon për kapjen e 27-vjeçarit E. M., i cili pas një konflikti për motive të dobëta, ka tentuar të vrasë me armë zjarri shtetasin E. M., 23 vjeç. Policia ka shpallur në kërkim autorin e dyshuar të ngjarjes dhe ka proceduar penalisht një tjetër të ri, i akuzuar për mos kallëzim krimi.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje me dashje e mbetur në tentativë”, “Armëmbajtje pa leje” dhe “Moskallëzim krimi”.