Dy pikë në tre ndeshje, nuk është ekzaktësisht ajo që kishin në mend drejtuesit e Tiranës kur shkarkuan nga detyra Emmanuel Egbo, por gjërat jo vetëm nuk u përmirësuan, por përkundrazi u përkeqësuan me lëvizjen në pankinë. Nuk flitet këtu për cështje taktike, por për rezultate në të cilat Nevil Deden e kanë kondicionuar jo pak mungesat e titullarëve të rëndësishëm, trauma e shkaktuar nga eleiminimi në Kupë nga Korabi, pas së cilës mori drejtimin e bardhebluve e një calendar që nuk po i jep paqe.
Asnjë fitore deri tani, me skuadrën që tregon limite të mëdha në të gjitha repartet e që shkon drejt derbit kryeqytetas në mënyrën më të pamenduar. Kampionët në fuqi, nuk fitojnë prej 5 ndeshjesh mes kampionatit e Kupës dhe të premten do të gjejnë përballë një skuadër kryesuese, pa llogaritur 5 pikët e diferencës mes dy formacioneve të kryeqytetit. Tek Tirana pasi kanë mirëpritur Torassën pas dëmtimit, do të kenë në dispozicion me shumë mundësi edhe Tosevskin, që do të jetë vendimtar në një përballje të vështirë me kualitetet e të kuqve në krahun e djathtë, por në mesfushë mos rikuperimi i Celhakës mund të kërkojë një tjetër sforco të Najdosvkit në mesfushë.
Nuk është atmosfera ideale për të shkuar në një ndërqytetase, sidomos pot ë shohësh mënyrën e barazimit në dy ndeshjet e fundit, apo shthurjet defensive në humbjen me Vllazninë, por Dede shpreson që bardhebluve ti ndodhë njësoj si një vit më parë, kur pikërisht derbi me Partizanin ndryshoi rrjedhën e sezonit, duke e katapultuar skuadrën me një seri imrpesionuese rezultatesh nga mbijetesa drejt titullit të 25 herë kampion. Ndonjëherë gjërat edhe përsëriten e Dede me fjalët ‘jemi gati për derbin’ ndoshta i referohet pikërisht kësaj…