Shoqata e Gastronomëve i ka kërkuar qeverisë së Kosovës që për festat e fundvitit t’iu lejohet të punojnë me orar më të gjatë. Gastronomët thonë se kjo është mundësia e tyre e vetme që sado pak bizneset të mbijetojnë.
“Gjendja jonë momentale është shumë e rënduar. Ne kemi nevojë për ju më shumë se çdo herë tjeter. Kemi nevoje të mbijetojmë edhe në këtë fundvit! Lusim Qeverinë e Kosovës të na lejojnë të punojmë! Jemi pranë festave si për qytetarët e Kosovës po ashtu edhe për diasporen, duam të ju qëndrojmë më afër në kohë më të gjatë pune dhe sado pak ta përmbyllim së bashku një vit të brishtë, duke u mundësuar kështu edhe bizneseve të mbijetojnë. Është mundësia jonë e fundit që sado pak të mbesim në këmbë këtë vit”, kanë thënë gastronomët të cilët e kishin paralajmëruar më herët këtë protestë.
Ata po ashtu kanë kërkuar që këto masa të mos lehtësohen vetëm për 3 ditë por të ketë një afat kohor më të gjatë që edhe ata të mund ta marrin veten nga ky vit i vështirë.