Gjatë 24 orëve të fundit 12 persona kanë humbur jetën dhe 524 raste të reja janë konfirmuar me koronavirus në Kosovë. Instituti Kombëtar i Shëndetit Publik ka njoftuar se nga 1.555 testime kanë rezultuar pozitiv 524 persona.
Nga virusi janë shëruar 566 pacientë ndërsa raste aktive mbeten 11.868. Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 46.118 të prekur me Covid, prej tyre 1.186 kanë vdekur.