Fundi i trazuar i marrëdhënies mes Nicolò Zaniolo dhe Sara Scaperrotta është pasuruar me detaje të reja. Në fakt, një teze e vajzës zbuloi se ajo kishte mbetur shtatzënë edhe rreth 7 muaj më parë dhe se në marrëveshje me lojtarin e Romës kishte vendosur të abortonte. Pas shtatzënisë së re, përsëri sipas familjes së Sarës, gruaja e re “u përzu nga shtëpia brenda 24 orësh”. Një rrethanë e mohuar prerë nga Francesca Costa, nëna e Zaniolo-s: “Ishte ajo që u largua, erdhi për të marrë gjërat e tij dhe bllokoi Nicolò”. Ndërkohë, përmes një shënimi nga firma ligjore që e përfaqëson, ka folur gjithashtu Madalina Ghenea, dashuria e re e futbollistit, e cila mohoi të kishte një marrëdhënie romantike me të: “Unë jam takuar me të vetëm një herë”.
Gjithçka filloi me një rrëfim të bërë nga Sonia, tezja e Sarës, për Giornalettismo: “Herën e parë nuk ishin gati, por ai gjest i bashkoi edhe më shumë – tha ajo – Pastaj shtatzënia e re, ai dëshiron të presë t’i tregojë familjes së tij dhe mori kohë. Sapo prindërit e saj e zbuluan, vrapuan në Romë dhe shpërtheu kaosi. Vajzën e përzunë nga shtëpia brenda 24 orësh dhe e braktisën”.
Versioni i tezes së Sarës u kontestua menjëherë nga nëna e lojtarit të Romës në mikrofonat e Radio Radio: “Ne donim të ruanim heshtjen, deklaratat e kësaj teze do të donim t’i trajtonim përmes kanaleve ligjore – tha Francesca Costa – Sara është trajtuar gjithmonë nga ne si një e familjet, por sapo mësuam se ajo po priste një fëmijë ai na thirri i dëshpëruar. Ai nuk ishte më i dashuruar. Kur mbërritëm nga La Spezia unë gjithashtu u ofrova ta çoja te gjinekologu, por ajo u largua dhe nuk donte të dëgjonte më asgjë. Nuk e përzumë nga shtëpia, përkundrazi mësova se ajo bllokoi Nicolò. Burri im po fliste me babanë e Sarës. Është e vërtetë që ka abortuar 7 muaj më parë, por më thanë se ata nuk ishin ende gati për të marrë një rrugë të këtij lloji. Edhe sepse djali im ka një temperament që nuk është i lehtë për tu menaxhuar. Tani ai do të marrë përsipër përgjegjësitë e tij, por nuk është e vërtetë që ne ndryshuam shtëpi për të ikur nga Sara. E bëmë më shumë për bestytni, sepse në të vjetrën ai u dëmtua dy herë ”.
E VËRTETA E MADALINËS: “NUK JAM E LIDHUR ME ZANIOLON”
Ndërsa vazhdon debati në distancë mes familjeve të dy ish të dashurve, Madalina Ghenea ka ndërhyrë të sqarojë pozicionin e saj, duke e vënë në një situatë të sikletshme lojtarin 21 vjecar të Romës. Modelja rumune ka shpërndarë një njoftim për shtyp përmes firmës ligjore Bernardini de Pace, duke mohuar një marrëdhënie me lojtarin dhe duke pretenduar se ishte takuar me të vetëm një herë: “Nuk jam e fejuar prej shumë muajsh. – shkruhet në postimin në rrjetet sociale që shoqëron komunikatën – Jam një grua e pavarur dhe krenare që jam e tillë. […] Më bën të buzëqesh kur mendoj se gratë gjithmonë duhet të shihen si ‘në kërkim të burrit’, sikur të mos kenë asnjë vlerë vetëm … E bota po analizon, në një mënyrë përkujdesëse, të gjithë sjelljen e tyre gjithmonë në këtë drejtim. […] Për Krishtlindje dhe Vitin e Ri isha me njerëzit më të dashur që kam në botë: nëna ime dhe vajza ime. Një takim falë miqve të përbashkët, biseda, shakara zbavitëse dhe të qeshura së bashku në mediat sociale (në lidhje me një shkëmbim batutash me Zaniolo në Instagram) në transparencë e në dritën e diellit, nuk shprehin një fejesë dhe nuk fshehin asgjë. A nuk mendoni kështu?”.
View this post on Instagram