Andrea Pirlo nuk mund të ketë në dispozicion Paulo Dybala për tre javët e ardhshme. Ky është rezultati i ekzaminimeve të cilave iu nënshtrua sulmuesi argjentinas, pas dëmtimit që pësoi në ndeshjen kundër Sassuolo. “Paulo Dybala iu nënshtrua kontrolleve diagnostike në J|medical ku u zbulua një dëmtim i gradës së ulët të ligamentit kolateral medial të gjurit të majtë, me kohë shërimi prej rreth 15/20 ditësh”, thuhet në një deklaratë nga klubi i Juventusit.
Duke marrë përgjigjen nga kontrollet për Dybala, nga infermieria bardhezi vijnë lajme më pak shqetësuese për McKennie dhe Chiesa. “Testet të cilave u janë nënshtruar McKennie dhe Chiesa kanë përjashtuar dëmtimet dhe për këtë arsye gjendja e tyre do të vlerësohet nga dita në ditë”, specifikon përsëri shënimi i Juventusit, që pasqyron edhe situatën në lidhje me bardhezinjtë e tjerë që dolën të dëmtuar nga fitorja kundër Sassuolos.