Një apartament ka marrë flakë pak më parë në zonën e Freskut në Tiranë. Zjarri ka shkaktuar vetëm dëme materiale por i gjithë pallati është rrethuar nga tymi duke krijuar panik te banorët.
Në flakë është përfshirë apartamenti në katin e 3-të të një pallati. Dy zjarrfikëse janë në vendngjarje, kanë vënë shkallët nga jashtë pallatit dhe po punojnë për shuarjen e flakëve. Fatmirësisht nuk ka dëme në njerëz. Deri më tani nuk bëhet me dije se cili ka qenë shkaku.