Pas takimit të djeshëm me kryeministrin e Sllovenisë, këtë të enjte, kryetari i Partisë Demokratike, Lulzim Basha, u takua në Zagreb me kryeministrin e Kroacisë, Anrej Plenkoviç.
Në këtë takim në fokus kanë qenë disa tematika, ku më e rëndësishmja integrimi i Shqipërisë në Bashkimin Evropian. Basha tha se Plenkoviç i ka garantuar se Kroacia do të jetë një mbështetje e madhe në këtë proces, që sipas Bashës ka ngelur në vendnumëro për tetë vite.
“Pas vizitës me kreun e Presidencës së ardhësme të BE në Slloveni, Kryetari i Partisë Demokratike, Lulzim Basha, u takua në Zagreb me kryeministrin e Kroacisë Andrej Plenkoviç, ministrin e Punëve të Jashtme Goran Grliç Radman si dhe ministrin e Punëve të Brendshme të Republikës së Kroacisë, Davor Bozinoviç. Gjatë bisedës së zhvilluar, kryetari i opozitës shqiptare i njohu drejtuesit e qeverisë kroate me planin e tij për integrimin si dhe angazhimin e tij nesër në qeveri për të bërë gjithçka për të realizuar ëndrrën e shqiptarëve për të tu bërë pjesë e BE, proces i cili ka ngelur në vendnumëro këto 8 vite.
Pas takimit me kryeministrin kroat dhe ministrat kryesorë të qeverisë së tij, Basha dha një deklaratë të shkurtër.
“Dua ta falënderoj kryeministrin e Kroacisë, Andrej Plenkoviç për pritjen miqësore që më rezervoi së bashku me ministrin e Jashtëm dhe të Brendshëm të qeverisë së Republikës së Kroacisë. Për mua dhe për Partinë Demokratike, nuk ka asgjë më të rëndësishme se sa përshpejtimi i rrugëtimit europian të Shqipërisë pas ngecjes në vendnumëro gjatë 8 viteve të këtij procesi.Për këtë arsye ne do të bëjmë gjithçka për ta bërë realitet këtë ëndërr të shqiptarëve. Kjo ka qenë në qendër të bisedës që kam zhvilluar me mikun tim, kryeministrin e Kroacisë, Andrej Plenkoviç.Ashtu siç bashkëpunuar gjatë procesit të anëtarësimit të Shqipërisë dhe Kroacisë në NATO, ashtu do të bashkëpunojmë ngushtësisht edhe në procesin e anëtarësimit të Shqipërisë në BE. Në këtë kuadër, përvoja dhe ndihma e Kroacisë që është dhe vend anëtar i BE, është shumë e vyer për ne. Jam i lumtur të ndaj me ju angazhimin e kryeministrit Plenkoviç për të na ndihmuar në këtë proces qoftë me mbështetje politike në tryezën vendimmarrëse të BE, siç bëri gjatë Presidencës kroate, kështu edhe në nivelin teknik që të jemi sa më të përgatitur e të ecim sa më shpejt në këtë proces.E njoha kryeministrin Plenkoviç me platformën tonë të integrimit dhe me vullnetin dhe vendosmërinë tonë për të bërë të gjitha detyrat që do të çojnë në nisjen e bisedimeve me Bashkimin Europian dhe thithjen e fondeve për vendet aspirante, përmes të cilave ne do të zhvillojmë dhe modernizojmë ekonominë e vendit dhe do ju vijmë në ndihmë veçanërisht të rinjve, biznesit të vigël e të mesëm dhe fermerëve shqiptarë. Unë jam i bindur se do të ja dalim siç bëmë Shqipërinë anëtare të NATO-s, siç liberalizuam vizat, hoqëm vizat për shqiptarët, do të bëjmë realitet edhe Shqipërinë europiane me ndihmën e BE dhe vendeve anëtare duke përfshirë këtu Kroacinë mike dhe aleate.Së fundmi, Kroacia ka një eksperiencë shumë të mirë edhe në fushën e turizmit, një prioritet i qeverisë time nesër, dhe për këtë ne do të bashkëpunojmë ngushtësisht për të marrë modelet më të mira të zhvillimit që do të sjellin rritje ekonomike dhe punësim për qytetarët tanë”, – u shpreh Basha
//// Ne do të bëjmë gjithçka për ta bërë realitet këtë ëndërr të shqiptarëve ///
Cfare do te thuash me fjalen ‘ GJITHCKA’ ?
Me sa di une deri tani ti nuk ke ne dore ‘ ASGJE’ .
Je akoma ne rruge.
Meqe je gati te besh ‘ GJITHCKA’ , atehere shko ne France dhe Hollande , dhe bindi qe ata te heqin veton e tyre ne kete proces.
Demi kapet nga briret jo nga bishti . ( megjithese ti di vetm ti presesh me duar bajgat, nuk je nga ato burra qe e kap demin per briresh )
A papapapapapa! Si te kap Ramastani, edhe me fjale po deshe. Si mund te guxoje njehere qe te sfidoje ATE, yllin, diellin, vete zotin ne toke – Ramastan!!! Ishalla po e arreston Policia kur te kthehet kete monster qe i prish rehatin ATIJ! Si i shkon ne mend njehere te sdidoje ? AYYyy eshte dhe do mbetet Kryeministri yne ne shekuj!