Një tjetër derbi me sukses për Partizanin, që vihet në garë për titullin kampion dhe presidenti i Partizanit, Gazmend Demi, nuk mund të mos ishte i kënaqur. Foli shkurt pas ndeshjes numri 1 i të kuqve, por pa harruar të ngacmojë rivalët e përjetshëm të Tiranës, që dolën të mundur 1-2.
“Mbas një ecurie shumë të dobët në 2 ndeshjet e fundit, sot bëmë një ndeshje të mirë, mendoj që e merituam fitoren. Për titullin ka kohë akoma. Janë edhe 12 ndeshje. Jemi edhe ne aty afër si 3-4 skuadra. Shpresojmë të shkojë mirë. Tiranën matematika e le që të jetë për titull. Ka akoma kohë”, u shpreh Demi.