Eshtë në kërkim prej dy muajsh nga policia shqiptare, por kjo nuk e ka penguar Fjolla Morinën të realizojë një superceremoni martese me Fisnik Sylën në Maldive. Këngëtarja i ka thënë “PO” biznesmenit, i cili e ka propozuar në një plazh të mrekullueshëm. Ka qenë Fjolla ajo që ka ndarë me ndjekësit në rrjete sociale foto e video nga ky moment i paharrueshëm në jetën e saj në Instagram.
Në një pishinë është shkruar me petale trëndafili të kuq “Fjolla, të dua! A do të martohesh me mua?”. Pasi e ka marrë këngëtaren për dore për ta shoqëruar deri tek vendi i surprizës, biznesmeni i është ulur në gjunjë me një unazë diamanti në dorë për t’i propozuar.
“Dhe unë thash ‘PO’. Zyrtarisht të martuar”, shkroi Fjolla krahas postimeve.
Këngëtarja është në arrati, u arrestua më 19 shtator në pikën kufitare të Morinës, pasi u kap me dy armë me vete. Gjithashtu u vunë në pranga edhe biznesmeni Fisnik Syla si edhe shoferi i saj. Para se të arratisej Fjolla Morina pranoi në gjykatë akuzën për “Trafik të armëve dhe municioneve”. Por nga qelitë e burgut të Kukësit, jeta ka ndryshuar katërciëpërisht për Fjollën që tani e ka lënë pas ngjarjen e hidhur.