Kryeministri në detyrë i Kosovës Avdullah Hoti i ka dorëzuar këtë të martë detyrën Albin Kurtit. Ceremonia zyrtare ka nisur në orën 10:00, teksa Hoti ka formalizuar dorëzimin. Qeveria e re e Kosovës e udhëhequr nga Albin Kurti është votuar ditën e hënë me 67 vota pro dhe 30 kundër dhe që nga sot Albin Kurti është zyrtarisht kreu i ekzekutivit.
Zyra e kryeministrit njofton se pas kësaj ceremonie Albin Kurti pritet të mbajë mbledhjen e parë të qeverisë dhe më pas do të vizitojë kompleksin memorial “Adem Jashari”, në Prekaz. Po ashtu, gjatë ditës së sotme pritet që dhe ministrat të marrin zyrtarisht detyrën.