Sipas listës vjetore të Forbes, Pekini tani ka më shumë miliarderë se çdo qytet tjetër në botë.
Kryeqyteti kinez shtoi 33 miliarderë vitin e kaluar dhe tani ka 100, sipas revistës së biznesit. Në këtë mënyrë, Pekini lë pas me një rezultat të ngushtë Nju-Jorkun, i cili ka 99 miliarderë dhe ka qenë në krye të renditjes për shtatë vitet e fundit. Mbajtja e Covid-19 nën kontroll, rritja e firmave të teknologjisë dhe tregjeve të aksioneve e ndihmuan Pekinin të fitonte vendin e parë.
Edhe pse Pekini tani ka më shumë miliarderë, vlera e kombinuar neto e miliarderëve të Nju-Jorkut mbeti 80 miliardë dollarë, më e madhe se ajo e homologëve të tyre në Pekin.
Banori më i pasur i Pekinit ishte Zhang Yiming, themeluesi i aplikacionit TikTok dhe shefi ekzekutiv i firmës së tij mëmë ByteDance. Vlera e tij neto ishte dyfishuar në 35,6 miliardë dollarë.
Zhang Yiming
Ndërsa, banori më i pasur i Nju-jorkut, Michael Bloomberg, kishte një pasuri me vlerë 59 miliardë dollarë.
Michael Bloomberg
Gjigantët e teknologjisë së Kinës dhe SHBA-ve janë rritur shumë më shumë gjatë pandemisë, ndërsa shumë njerëz filluan të blinin dhe të kërkonin burime argëtimi online. Kjo solli krijimin masiv të pasurisë personale për themeluesit dhe aksionarët e këtyre titanëve të teknologjisë.
Kina, e cila veç Pekinit kishte pjesë të listës së Forbes edhe Hong Kongun dhe Makaon, shtoi 210 miliarderë në listë, më shumë se çdo vend tjetër globalisht. Gjysma e miliarderëve të rinj të Kinës e bënë pasurinë e tyre nga ndërmarrjet prodhuese ose teknologjike, duke përfshirë miliarderen femër Kate Wang, e cila u pasurua nga cigaret elektronike.
Me 698 miliarderë, Kina renditet pas SHBA-ve, që kryesojnë me 724 miliarderë.
India kishte numrin e tretë më të lartë të miliarderëve, 140.