Kosova do të sigurojë mbi 100,000 vaksina kundër koronavirusit Pfizer/BioNTech deri në fund të qershorit.
Lajmi u bë i ditur nga programi COVAX i Organizatës Botërore të Shëndetësisë, i cili synon shpërndarjen e drejtë të vaksinave edhe në vendet në zhvillim.
COVAX publikoi të hënën një listë me 146 vende të botës, ku ka shpërndarë dhe pritet të shpërndajë vaksina kundër koronavirusit.
Në këtë listë bëhet e ditur se në rundin e tretë të shpërndarjes nga COVAX, i cili përfshin periudhën prill-qershor 2021, Kosova do të sigurojë 100,620 doza të vaksinës Pfizer/BioNTech.
Kosova, në fund të muajit të kaluar, ka marrë 24,000 doza të vaksinës AstraZeneca, përmes COVAX-it. Në listën e publikuar të hënën bëhet e ditur se në rundin e dytë të shpërndarjes nga COVAX, që mbulon periudhën shkurt-maj 2021, Kosova do të sigurojë në total 100,800 vaksina AstraZeneca.
Marrë parasysh 24,000 dozat fillestare, Kosova do të marrë edhe 76,800 vaksina AstraZeneca deri në fund të muajit të ardhshëm.
Si Pfizer/BioNTech, ashtu edhe AstraZeneca duhet të jepen në dy doza për të arritur efektin maksimal. Fushata e vaksinimit në Kosovë ka nisur më 29 mars.
Prioritet në imunizim u është dhënë punonjësve shëndetësorë dhe të moshuarve.
Kosova, deri më 12 prill, ka regjistruar mbi 98,341 raste me koronavirus dhe 1,996 viktima.
Numri i rasteve aktive aktualisht është 13,763.
Uroj me gjith shpirt qe kjo gje te jete e vertete… por ne media te tjera shkruhet se ai numer vaksinash nuk eshte vetem per Kosoven.
”’ Sipas informacionit të fundit të lëshuar nga GAVI, Kosova, Bosnje e Hercegovina dhe Maqedonia e Veriut do të marrin 100,620 doza të vaksinës Pfizer përmes programit COVAX nga prilli deri në qershor, ”’
Pra totali per 3 vende eshte 100620 , po sa i takojne kosoves nuk e dime .
Ju lutem Lapsi ta konfirmoni lajmin me lidhjet qe keni ju ne Kosove.
Ahahahaha
Ca karash qe jane keto, i mshojne lajmit se jane pfizer, gjasme ska nevoje kosova per vaksinen kineze, se ja del vete,
Ahahahah
hahahah te njejten gje mendova kur lexova artikullin, perpiqej me doemos qe te theksohej qe jan pfizer hahahaha